Venesuela Prezidenti Nikolas Maduro Azərbaycana gəlib.
APA -nın xəbərinə görə, bu barədə Venesuela Prezidenti “Twitter”də bildirib.
Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.
Venesuela Prezidenti N. Maduronu hava limanında Azərbaycan Baş Nazirinin müavini Əli Əhmədov qarşılayıb.
N. Maduro Qoşulmama Hərəkatına üzv ölkələrin dövlət və hökumət başçılarının Bakıda keçiriləcək XVIII Zirvə Görüşündə iştirak etmək üçün Azərbaycana səfər edib.
Qeyd edək ki, Qoşulmama Hərəkatına üzv ölkələrin dövlət və hökumət başçılarının XVIII Bakı Zirvə Görüşü 25-26 oktyabr tarixlərində keçiriləcək.
