Diasporla İş üzrə Dövlət Komitəsinin sədri Fuad Muradovun rəhbərliyi ilə nümayəndə heyəti 24-26 oktyabr tarixlərində Macarıstanda olublar.
Səfər çərçivəsində nümayəndə heyəti Macarıstan-Azərbaycan parlamentlərarası dostluq qrupunun rəhbəri cənab Gergely Farkas, Türk Şurasının Budapeşt Ofisinin rəhbəri səfir Yanos Hovari, həmçinin Azərbaycan diasporu və tələbələri ilə görüşlər keçirilib.
Macarıstan türkoloqları və Türk diaspor nümayəndələri ilə görüş də səfər çərçivəsində baş tutub. Macarıstan rəsmiləri ilə danışıqlar zamanı diaspor və miqrasiya ilə bağlı fikir mübadiləsi aparılıb.
Gergely Farkas iki ölkə arasındakı dostluq münasibətlərinin tarixi və səmərəli inkişafı, xaricdə yaşayan Macar icmalarına dair diaspor siyasətindən danışıb. Dünyadakı Macarıstan icmaları, miqrasiya problemləri, diasporların müxtəlif ölkələrdəki yerli icmalara inteqrasiyası və türkdilli diasporların ortaq fəaliyyəti haqqında fikirlərini Hövvari bölüşüb.
Komitə sədri Fuad Muradov Azərbaycanın diaspor siyasəti, komitənin quruluşu, fəaliyyəti və irimiqyaslı layihələri, xaricdəki azərbaycanlı icmalar tərəfindən görülən işlər, yerli cəmiyyətə inteqrasiya, eləcə də milli kimliklərin qorunması ilə bağlı fikirlərini bildirib. O qeyd edib ki, diaspor təşkilatları arasında dövlətlərarası dostluq münasibətlərinin formalaşdırılması artıq zərurətə çevrilib.
Fuad Muradov Bakıda Türkdilli Dövlətlərin Əməkdaşlıq Şurasının Zirvə görüşü, müxtəlif ölkələrdə türkdilli diasporların toplantıları haqqında ətraflı məlumat verib və Dünya Azərbaycanlıları Şəbəkəsinin qurulmasını strateji hədəf olaraq təyin edən Dövlət Komitəsinin olduğunu bildirib. Həmçinin bütün Türk diasporası şəbəkəsinin yaradılması üçün addımlar atır.
Görüşdə Azərbaycan Respublikasının Macarıstandakı səfiri Vilayat Quliyev ölkələrimizin mühüm inkişaf dövrünü yaşadığı bir zamanda bu görüşün müsbət addım olduğunu söyləyib. Macarıstanda yaşayan azərbaycanlı gənclər haqqında məlumat verib və onların Macarıstanda təhsil almalarına xüsusi diqqət yetirdiklərini bildirib.
Azərbaycan diasporu və tələbələri ilə görüş zamanı Komitə sədri Azərbaycanın diaspor siyasətindən və dünyada azərbaycanlıların təşkilatlanma imkanlarından danışıb.
Fuad Muradov azərbaycanlılarla belə açıq müzakirələrin aparılmasının vacibliyini vurğulayıb və harada yaşamasından asılı olmayaraq hər bir azərbaycanlının Azərbaycan dövlətinin müstəqilliyinin qorunub saxlanması, Azərbaycanı dünyada tanıdılması istiqamətində çalışmalarının vacibliyini bildirib.
