Bu, münasibətlərdə gərginlik yaratmayacaq
"Rusiyalı rəsmilərin, generalların və diplomatların Qarabağda rus hərbi kontingentinin qalma müddətinin uzadılması ilə bağlı eyhamlarına baxmayaraq, onlar Azərbaycanı tərk etməli olacaqlar".
Bunu "Sherg.az"a açıqlamasında politoloq Elxan Şahinoğlu deyib.
Ekspert bildirib ki, bu, münasibətlərdə gərginlik yaratmayacaq:
"Fikrimcə, xarici işlər naziri Ceyhun Bayramovun ilin son mətbuat konfransında “sülhməramlıların Qarabağda qalma müddəti 2025-ci ilin noyabrına qədər nəzərdə tutulub” sözləri həm də prezident İlham Əliyevin baxışını əks etdirir. Yəni vaxt bitdikdən sonra qalmalarına ehtiyac yoxdur. Azərbaycanın yaxın tarixdə Rusiya hərbçilərinin yola salmasına aid iki müsbət nümunəsi var. Mərhum prezident Əbülfəz Elçibəy Rusiya hərbi bazalarını ölkədən çıxartdı. Prezident İlham Əliyev isə Rusiyanın Qəbələ RLS-lə bağlı sazişin müddətini uzatmadı və Rusiyanın sonuncu hərbi bazası da ölkəmizin ərazisini tərk etdi. 2025-ci ilin noyabr ayına qədər Rusiyanın Qarabağda işi-gücü olmayan hərbi kontingentini də yola salacağıq".
