Türkiyənin Aksaray şəhərində sərnişin avtobusu aşıb, ölən və yaralananlar var.
"Anadolu" agentliyi xəbər verir ki, sərnişin avtobusunun aşması nəticəsində 1 nəfər ölüb, 45 nəfər yaralanıb. Qəza Aksaray-Ankara avtomobil yolunun 39-cu kilometrliyində baş verib.
Hadisə yerinə çoxlu sayda təcili tibbi yardım və xilasetmə maşınları cəlb edilib. Xəstəxanalara aparılan yaralananlardan 9-nun vəziyyəti ağırdır.
