"İranla ABŞ arasında davam edən iqtisadi və diplomatik müharibə ilin sonundan etibarən daha da kəskinləşəcək”.
Bunu "Şərq”ə açıqlamasında politoloq Məhəmməd Əsədullazadə deyib. Analitikin sözlərinə görə, Vaşinqtonun İrana tətbiq edəcəyi sanksiyalar paketi bu ölkənin neft-qaz ixracını məhdudlaşdıracaq:
"Əgər İran bu sanksiyalardan sonra öz siyasi kursunda dəyişiklik etməzsə, ABŞ-ın İrana qarşı "B” planı işə düşəcək. ABŞ İranla hərbi-kəşfiyyat müstəvisində mübarizəyə başlayacaq. Həmçinin, İran daxilində etirazları formalaşdırmaq kimi planları da reallaşdıracaq. İrana qarşı sanksiyaların Azərbaycan-İran iqtisadi əlaqələrinə təsir imkanları qaçılmazdı. Vaşinqton rəsmi Bakıdan Azərbaycanla İran arasında birgə müəssisələrin fəaliyyətindən imtina etməsini istəyə bilər. Söz yox ki, İranla ölkəmiz arasında ticari əlaqələrdə ciddi rəqəm yoxdur. İki ölkə arasında bundan sonra iqtisadi və ticari əlaqələrin inkişafı gözlənilirdi. Lakin sanksiyalardan sonra artıq iqtisadi və ticari əlaqələrdə artım olmayacaq”.
Ekspertin fikrincə, Vaşinqtonun İrana qarşı mübarizədə Azərbaycan ərazisindən hansısa məqsədlər üçün istifadə etməsinə ehtiyac yoxdur: "Eğ Ev sadəcə Cənubi Azərbaycan məsələsində Bakının imkanlarından istifadə edə bilər. Görünən odur ki, Vaşinqton İran ətrafında kifayət qədər hərbi-siyasi izolyasiya formalaşdırıb. Digər qonşu ölkələrin mətbuatında ABŞ-İran müharibəsində "Azərbaycanın Vaşinqtonun platsdarm olacağını” qeyd etməsi populist yanaşmadır. Bunun heç bir əsası yoxdur”.
İsmayıl
