"Erməni Təcavüzünün Tanıdılması” İctimai Birliyinin sədri Səriyyə Müslümqızı iyulun 4-də Füzuli rayonunda ermənilərin təxribatı nəticəsində həlak olan 2 yaşlı Quliyeva Zəhranın ölümü ilə bağlı bəyanat yayıb.
Birlik sədri baş verən hadisədən olduqca kədərləndiyini, ermənilərin vəhşiliklərinin ilk dəfə deyil, tarix boyu təkrarlandığını bildirib: "Dünən - o isti iyul günündə çovğunlu fevral gecəsini yenidən yaşadım. Düz 25 il bundan öncə ermənilər mənim yurdumu yerlə-yeksan etdilər. 63 uşağı qəddarlıqla qətlə yetirib cəsədlərindən körpü düzəltdilər. Tarix təkrar olundu. Füzuli rayonunun Alxanlı kəndində ermənilər 2 yaşlı Zəhranı al qanına qərq etdilər. Dünya isə düz 25 il bundan öncəki kimi yenə də susdu... Ermənilər feysbuk səhifələrində Xocalıda törətdikləri qəddarlıqdan öyünməkləri ilə həzz alırlar. Allah düşmənə lənət eləsin”.
Yeganə
