"Münaqişəni Rusiya yaradıb, o idarə edir və o dondurub. Proseslərin gedişinə də Rusiya ciddi şəkildə nəzarət edir”.
Bunu "Sherg.az”a son günlər cəmiyyətdə yayılan müharibə ehtimalından danışarkən politoloq Zərdüşt Əlizadə söyləyib.
Onun sözlərinə görə, Rusiyanın "xeyir-duası" olmadan münaqişə ilə bağlı ciddi addımlar atmaq mümkün deyil:
"2016-cı ildə Ermənistanda antirus nümayişləri keçirilirdi. Erməni cəmiyyətində Rusiyaya qarşı düşmənçilik əhval-ruhiyyəsi var idi. Ona görə, Rusiya Ermənistanı qorxutmağı qarşısına məqsəd qoydu. Aprel döyüşlərindən sonra Ermənistanda şok, qorxu yarandı. Bundan sonra Ermənistan yenidən Rusiyanın himayəsinə sığındı və Şimal qonşumuz onları kredit, silah, pul ilə təmin etdi. Məhz bu oyunlarla Rusiya Ermənistanı tabeliyində saxlayır.
Münaqişənin Alland modeli ilə siyasi həlli mümkündür. Hər iki dövlətin, hər iki xalqın hüquqları bu prinsipə görə tanınır. Bu mənada zaman-zaman ermənilər əsassız iddialarla çıxış edirlər, hətta ətraf rayonlara da göz dikirlər".
Aysel Aslan
