"Türkiyə prezidenti Rəcəb Tayyib Ərdoğan FETÖ haqqında bütün hallarda səmimidir”.
Bunu "Sherg.az”a Ərdoğanın Prezident İlham Əliyevə və Azərbaycan xalqına FETÖ qarşısında göstərilən həmrəylik üçün təşəkkür etməsindən danışarkən politoloq İlqar Vəlizadə deyib.
O bildirib ki, Azərbaycanla bağlı FETÖ məsələsində müəmmalı hadisələr yaşansaydı, ölkədə bu və ya digər şəkildə qurum dəstəklənsəydi, belə reaksiya olmazdı:
"Görünür, həm Azərbaycan, həm Türkiyə tərəfi eyni mövqedə dayanıb. Düşünürəm ki, FETÖ mövzusu bununla Azərbaycanda ümumən bağlanmış oldu. Türkiyə prezidenti bu sözləri ilə FETÖ-nün ölkəmizdə fəaliyyətinin sıfır səviyyəsində olduğuna eyham vurdu.
Digər ölkələrdə isə vəziyyət fərqlidir. Məsələn, Orta Asiyada FETÖ nümayəndəlikləri ya pərdəarxası, ya da açıq şəkildə fəaliyyət göstərir. Prezidentin çıxışı bir növ digər ölkələrə mesaj idi ki, Azərbaycan bununla bağlı qəti addımları atıb. Artıq Azərbaycanda FETÖ təhlükəsinin yaranması mümkün deyil. Digər ölkələrdə isə təəssüf ki, bu təşkilatın şəbəkəsi mövcuddur”.
Aysel Aslan
