BMT Ümumdünya Səhiyyə Taşkilatının (WHO) hesabatına görə, gələcək 20 il ərzində dünyada xərçəng xəstəliyinə yaxalananların sayı 2 qat artacaq və hər il 13 milyon insan bu xəstəlikdən öləcək.
Hesabat, Beynəlxalq Xərçəng Araşdırmaları Agentliyinin (IARC) rəhbərliyi ilə 40-dan çox ölkədən 250 nəfər akademikin iştirak etdiyi "Dünya Xərçəng Hesabatı 2014” konfransında açıqlanıb.
Sənədə görə, 2012-ci ildə dünyada 14 milyon olan yeni xərçəng xəstəsi sayının gələcək 20 ildə 22 milyona çatması gözlənilir. Hesabatda, xərçəng səbəbindən baş verən ölüm hallarında da bənzər çoxalmanın olacağı, 2012-ci ildə 8.2 milyon olan ölüm sayının 20 il ərzində 13 milyona çatacağı qeyd edilib.
2012-ci ildə bu xəstələrə ən çox ağciyər, döş və bağırsaq xərçəngi diaqnozu qoyulub. Ən çox ölüm hallarının da ağciyər xərçəngi xəstələrində baş verdiyi bidirilir.
Xərçəng xəstəliklərinin müalicəsinin getdikcə bahalaşması ölkə iqtisadiyyatı üzərində də mənfi təsirləri olur və yoxsul ölkələrin sakinlərinin vaxtından əvvəl diaqnozla bu xəstəlikdən xilasının qarşısını alır.
Hesabatda, 2010-cu ildə xərçəng xəstəliyinin dünyaya maliyyətinin 1.16 trilyon dollar olduğu bildirilib.
