Milli Məclisin bu gün keçirilən iclasında bloger Aleksandr Lapşinin məsələsi yenidən qaldırılıb.
Sherg.az bildirir ki, millət vəkili Aydın Mirzəzadə deyib ki, bloger 3 ölkənin vətəndaşı olsa da, Ermənistan dövləti öz siyasətini bu şəxs ətrafında qurmağa çalışır:
"Maraqlıdır, niyə Lapşinin həbsi Ermənistanı bu dərəcədə narahat edir? Bəlkə Lapşin 3 yox, 4 ölkənin vətəndaşıdır?! Yəni bəlkə həm də Ermənistanın vətəndaşıdır ki, Yeravan bu cür narahatdır?! Məncə Yeravanın Lapşini müdafiə etməsi, bu cür canfəşanlığı səbəbsiz deyil. Bloger işğalda olan ərazilərimizə qeyri-qanuni səfərlərindən sonra yazdıqlarında Ermənistanın kəşfiyyat orqanlarının dəst-xəttini ortaya qoyurdu”.
Millət vəkili Azərbaycanın Lapşin məsələsində güzəştə getməyəcəyini, blogerin Azərbaycan məhkəməsi qarşısında cavab verəcəyini diqqətə çatdırıb.
Anar
