"Uşağın müxtəlif qida məhsullarına - qoz, fındıq, bal, yumurta, sitrus meyvələr, balıq, ət məhsulları və s. qidalara allergiyası varsa, bayram günlərində ehtiyatlı olmalıyıq”.
Bu barədə "Sherg.az"a pediatr Vaqif Qarayev bildirib.
O qeyd edib ki, bayram süfrələrimiz ənənəvi, standart - allergik süfrələrdir:
"Bizim "allergik” yeməklər - şəkərbura, paxlava, çərəzlər, müxtəlif kulinariya məmulatları, plov, dolma və s. qidalar uşaqlarda müxtəlif xoşagəlməz hallar yarada bilər: "Məsələn, dəri - qızartı, şişkinlik, qaşınma, səpkilər, hətta övrə kimi çox ciddi xəstəliklər baş verə bilər. Mədə-bağırsaq sistemi - ürəkbulanma, qusma, diareya, bəzən qanlı nəcis ifrazı kimi hallar yaşana bilər. Çox vaxt valideynlər bu halı zəhərlənmə kimi dəyərləndirirlər. Dah sonra ürək-damar sistemi - baş ağrıları, başgicəllənmə, arterial təzyiqin düşməsi, bayılma, ağır hallarda şok olma baş verə bilər. Tənəffüs sistemi - burunun tutulması, davamlı asqırma, öskürək və s yara bilər. Ağır hallarda bronxospazm, astmatik tutmaların da olması mümkündür.
Əgər adı çəkilən qida məhsullarına qarşı əvvəllər yuxarıda göstərilən narahatlıqlar olubsa, süfrəyə qoymayın və ya uşağa verməyin. İlk dəfə belə halla rastlaşsanız, dərhal həkimə müraciət edin.
Bayramlarınız mübarək!”
