Türkiyə Suriyanın şimalında kürd dövlətinin yaradılmasına yol verməyəcək. APA-nın xəbərinə görə, bunu Türkiyə prezidenti Rəcəb Tayyip Ərdoğan Hamburq G-20 sammitinin yekunlarına dair brifinqdə deyib.
"Əgər Suriyanın şimalında kürd dövlətinin yaradılması planlaşdırılırsa, biz buna yol verməyəcəyik. Biz Türkiyənin ünvanına səsləndirilən hədələri də bağışlamayacağıq”, - deyə Ərdoğan qeyd edib.
Qeyd edək ki, Suriya kürdləri bundan əvvəl ölkənin şimalında "Şimali Suriya federativ bölgəsi”nin yaradıldığını bəyan ediblər.
