Almaniyanın Hamburq şəhərində G20 zirvə toplantısı çərçivəsində bu gün səhər Rusiya lideri Vladimir Putinlə görüşən Türkiyə prezidenti Rəcəb Tayyib Ərdoğan, günortadan sonra ABŞ prezidenti Donald Trampla bir araya gəlib.
Təkbətək görüşün məzmunuyla əlaqədar şərh gözlənilir.
Anadolu Agentliyi, danışıqların 20 dəqiqə davam etdiyini bildirir. İki liderin, Suriya problemini masaya yatırtdığı qeyd olunur.
Ərdoğan, Trampdan əvvəl Argentina dövlət başçısı Mauricio Macri ilə bir araya gəlib.
Donald Tramp, rəsmi Twitter hesabından G20 Zirvəsinin ilk gününü yekunlaşdıran bir video yayıb.
Hamburqda dünya liderləriylə ilk günün maraqlı keçdiyi qeyd edən Tramp, ikinci günü səbirsizliklə gözlədiyini yazıb.
Trampın paylaşdığı videoda, Rəcəb Tayyib Ərdoğanla görüşünün şəkilləri də yer alıb.
