"Ermənistan həmişə provokasiyalarla, problem yaratmaqla, Azərbaycan ərazilərinə hücumlar etməklə gündəmdə qalmaq istəyir”.
Bunu "Sherg.az”a Ermənistan silah qüvvələrinin işğal olunmuş Dağlıq Qarabağda, cəbhənin mərkəzində əlavə qüvvələrlə güclənməsinə dair sosial şəbəkələrdə yerləşdirilən qeyri-rəsmi məlumatlara münasibət bildirərkən ehtiyatda olan polkovnik Cəlil Xəlilov deyib. O bildirib ki, erməni rəhbərliyi insanların diqqətini daxili problemlərdən, sosial məsələlərdən yayındırmaq məqsədilə bu cür addımlar atır:
"Amma Ermənistan ordusunun gücü yoxdur ki, Azərbaycana təzyiq göstərsin. Hər gün provokasiyalara əl atırlar və cavabını ikiqat alırlar. Ona görə, düşmənin belə hazırlığa malik olduğuna inanmıram.
Onlar son vaxtlar erməni ordusundakı konfliktləri, mənəvi-psixoloji durumu gündəmə gətirməkdən çəkinirlər. Ermənistan rəhbərliyi nə qədər gizlətməyə çalışsa da orduda problemlər qalmaqdadır. Məcburi şəkildə orduya insanları cəlb edir, xarici ölkələrdən muzdlular gətirirlər. Ordudakı ölüm hadisələrini ciddi şəkildə gizlədirlər. Xarici vətəndaşlar olur ki, orduda xidmət edən zaman pul verməmək üçün ermənilər onları qətlə yetirirlər. Həmin muzdlulardan istifadə etdikdən sonra izi gizlətmək üçün onları məhv edirlər.
Bütün bunlara rəğmən Ermənistanın Azərbaycana hücum edəcək gücə malik deyil. Dövlətimizə qarşı istənilən təxribatı ordumuz layiqincə cavablaya bilər. Belə provokasiya xarakterli məlumatlar Azərbaycan ordusuna və xalqa psixoloji təsir göstərmək istəyirlər. Ona görə, ruhdan düşmək lazım deyil. Xalqımız odumuza arxayın olmalıdır. Düşməni ancaq birliyimiz, gücümüzlə məhv edə bilərik”.
Qeyd edək ki, təxminlərə görə, ötən ilin aprel döyüşlərinin qisasını almağa çalışan ermənilər Azərbaycan ordusunun mövqelərinə hücum əməliyyatlarına hazırlaşır. Havaların getdikcə nisbətən sərinləşməsi isə buna əlverişli şərait yaradır.
Aysel Aslan
