"Facebook” şirkətinin administrasiyası onlarla ölkədə yeni funksiyasını təqdim edib.
İKT.lent.az-ın Life.ru saytına istinadən məlumatına görə, bu funksiya sosial şəbəkə vasitəsilə iş axtarmağa və ya işçi tapmağa imkan verəcək.
Ötən il bu xidmət ABŞ və Avropada istifadəyə verilib. Artıq bu funksiyadan daha 40 ölkənin sakinləri istifadə edə biləcəklər. Dəqiq siyahı açıqlanmasa da, sistem artıq Moskvadakı vakansiyaları da göstərir.
5 mindən artıq insanın iştirak etdiyi sorğuya əsasən, hər dördüncü amerikalı "Facebook” vasitəsilə iş axtarır və ya iş tapıb. Yeni funksiya xüsusi qovluqda digər istifadəçilər tərəfindən dərc edilən vakansiyalara baxmağa imkan verir. Bu funksiya həmçinin onlarla əlaqə yaratmağa da imkan yaradır.
