Bu ilin I rübündə Gürcüstanda işsizlik səviyyəsi illik müqayisədə 3,7 faiz bəndi artaraq 21,9 % təşkil edib.
“Report”un yerli bürosu xəbər verir ki, bu barədə ölkənin Milli Statistika İdarəsindən bildirilib.
Hesabat dövründə şəhərlərdə işsizlik göstəricisi 5,7 faiz bəndi artaraq 23,6 %, kənd yerlərində isə 0,4 faiz bəndi artaraq 19,3 %-ə bərabər olub.
Kişilər arasında bu göstərici 24,1 % (+3,3 %), qadınlar arasında isə 19,2 % (+4 %) olub.
