Bu gün Almaniyanın Hamburq şəhərində baş tutan G 20 saamitində ABŞ prezidenti Donald Trampla Rusiya lideri Vladimir Putin arasında gözlənilən təkbətək görüş baş tutub.
"Sherg.az" "Lemonde.fr"ə istinadən xəbər veri ki, bu, adıçəkilən ölkə başçıları arasında ilk görüş olub.
Görüşün əsas məqsədi isə bu ölkələr arasındakı mövcud gərgin münasibətlərin aradan qaldırılmasına yönəlib. Məlumatda o da qeyd olunub ki, danışıqlar kifayət qədər gərgin və xaotik atmosferdə keçib.
Görüşün başlanğıcında rusiyalı həmkarının əlini səmimi sıxan D.Tramp Putinlə görüşündən məmnunluq ifadə etdi: "Ümid edirəm ki, bu müzakirələr ABŞ və Rusiya cəmiyyətinə çoxsaylı müsbət töhfələr bəxş edəcək".
V. Putin də görüşdən razılıq ifadə edərək bunun müsbət nəticələr verəcəyinə ümidvar olduğunu vurğulayıb:
"Biz bir neçə dəfə telefonla müzakirələr aparmışıq. Amma bu işlər üçün telefon danışıqları kifayət etmir".
Ayyət Əhməd
