"23 ildir Minsk Qrupu üzərinə götürdüyü öhdəlikləri yerinə yetirə bilmir, yaxud istəmir”.
Bunu "Sherg.az”a açıqlamasında "Sülh və Münaqişələrin” Həlli Mərkəzinin rəhbəri Məhəmməd Əsədullazadə deyib.
Analitik bildirib ki, hər üç həmsədr ölkə vasitəçiliyə zidd olaraq işğal olunmuş ərazilərimizdə separatçılarla əməkdaşlıq edən şirkət və bələdiyyələrə göz yumur:
"Bu birbaşa aparılan danışıqlar prosesinə zərbə vurur və həmsədrlərin vasitəçiliyini heçə endirir. Hazırda münaqişənin həlli ilə bağlı ikitərəfli danışıqlar Ermənistanda davam edən siyasi böhranla əlaqədar müvəqqəti dayanıb. Hesab edirəm ki, həmsədrlər üzərinə götürdüyü vasitəçilik missiyasını yerinə yetirmək iqtidarında deyil. Çünki ABŞ-la Rusiya arasında siyasi-hərbi böhran hökm sürür. Ona görə də tərəflərin təklifləri qəbul edilmir. Hesab edirəm ki, Minsk Qrupunun formatı dəyişməlidir. Yaxud da indiki formatdan imtina edilməlidir.
Deputatlar çox düzgün qeyd edirlər. Məsələ ondadır ki, Azərbaycanın bu formatdan çıxması danışıqlardan imtina kimi dəyərləndirilə bilər”. M.Əsədullazadə bildirib ki, rəsmi Bakının işğalçıya qarşı hərbi təzyiqləri artırması həm danışıqları intensivləşdirər, həm də həmsədrlərin Ermənistana təsir etməsinə gətirib çıxarar. Son aylar ABŞ-ın müəyyən dərəcədə münaqişənin həllində maraqlı olduğunu görürük. Rusiya buna qısqanclıqla yanaşır. Göründüyü kimi, diplomatik danışıqlarda iki ölkə ayrı-ayrı siyasi baxışlara malikdir”.
İsmayıl
