Döyüş tapşırığını icra edərkən gözünün və ayağının birini itirən baş leytenant, Qazax güləş məktəbinin yetirməsi Kamil Musəvi Türkiyədə əməliyyat olunub və hərbçimizə yeni ayaq köçürülüb.
Bu barədə "Şərq”ə zabitimizin özü bildirib. Onun sözlərinə görə, əvvəlki protez ayaqdan fərqli olaraq müasir üslubda hazırlanan bu ayaq hissiyatlıdır: "Həm də çox rahatdır. Artıq normal şəkildə hərəkət edə bilirəm. Bildiyiniz kimi, mənə yeni ayağın köçürülməsinə Güləş üzrə yığma komandanın böyük məşqçisi Firdovsi Umudov, Qazax rayonundan olan xeyriyyəçi Arzuman Abdulkərimov, Qax rayonundan olan xeyriyyəçi Nizami Manafov və Ağdamdan olan xeyriyyəçi Kamil Əhmədovun böyük dəstəyi olub. Burada yeni gözün köçürülməsi üçün də həkimlər baxış keçirdilər. İnşallah, yaxın aylarda gözümün bərpası üçün yenidən İstanbula qayıdacam. Mənə dəstək olan dövlətimizə, Müdafiə Nazirliyinə və xeyriyyəçi insanlara təşəkkür edirəm. İnşallah, tezliklə gözüm də bərpa olunar”.
Yada salaq ki, 2015-ci ilin oktyabrında cəbhə bölgəsində xidməti vəzifəsini yerinə yetirərkən kəşfiyyatçı, baş leytenant Kamil Musəvi bir gözünü və bir ayağını itirmişdi.
Ayyət
