Misirin paytaxtı Qahirədə keçmiş Misir krallarına aid 3 min 300 yaşında iki heykəl tapılıb.
Heykəllərdən birinin 2 ci Ramsesə aid olduğu təxmin edilir. Misir Tarixi Əsərlər naziri Xalid Anani verdiyi yazılı şərhdə, Qahirənin şərqində qazıntılar zamanı misirli və alman arxeoloqların, 2-ci Ramses məbədinin yaxınlığında, keçmiş Misiri idarə edən 19-çu ailəyə (M. Ö 1292 -1190) aid iki kral heykəli tapdığını ifadə edib.
Misir Tarixi Əsərlər təşkilatı başçısı Mahmud Afifi isə heykəllərdən birinin keçmiş Misiri eramızdan əvvəl 1194-1200 - illərdə idarə edən Kral 2. Setiyə aid olduğunu qeyd edib. Kral 2. Setinin heykəlinin 80 santimetr uzunluğundakı üst tərəfinin çıxarıldığına işarə edən Afifi, heykəlin əhəng daşından hazırlandığını və kralın üz xəttlərinin çox diqqətə çarpan olduğunu dilə gətirib. Afifi, 2. Ramsesə aid olduğu təxmin edilən digər heykəlin isə 8 metr uzunluğunda, kuvarsit daşından hazırlandığını və zaman içində çox köhnəlmiş olduğunu bildirib. Tarixi Əsərlər naziri Anani, dünən misirli və alman arxeoloqlardan ibarət heyətlə birlikdə Qahirənin əl-Matariyyə bölgəsində heykəllərin tapıldığı keçmiş Evn şəhərinə gedərək, qazıntıların aparıldığı sahədə araşdırma aparıb.
