Əfqanıstanın paytaxtı Kabil şəhərində yerləşən Həmid Karzay Beynəlxalq Hava Limanında baş vermiş insident nəticəsində həyatını itirənlərin sayı 17 nəfərə çatıb.
“Report” “RİA Novosti”yə istinadən xəbər verir ki, aeroportda havaya atəş açılıb.
Güllələrdən bir neçəsi insanlara dəyib. Nəticədə 17 nəfər ölüb.
Daha 41 nəfərin yaralandığı bildirilib.
Məlumata görə, havaya atəş açan silahlılar Pəncşir vilayətinin “Taliban”ın nəzarətinə keçməsini bayram edirmiş.
