Antaliyada indi hamı keçmiş ərin vəhşiliyindən danışır. Məlumata görə, boşandığı arvadı S.A.ın başqasıyla evlənməsini həzm edə bilməyən R. K., onu 11 yerindən bıçaqlayıb.
Türk mediası xəbər verir ki, bir müddət evli qalan R. K. ilə S. A., boşanıb. Keçmiş arvadının başqasıyla evlənməsini həzm edə bilməyən R. K., uzun müddət axtardığı S.A.ın işlədiyi yeri təsbit edib. Evindən çıxan S.A.ı təqibə alan R. K., küçədə birdən keçmiş həyat yoldaşının qarşısına çıxıb. S.A.ı təhqir edən R. K., belindən çıxardığı bıçaqla qadına hücum edib. S.A.ı bədəninin 11 yerindən yaralayan R. K., daha sonra tapançayla sağ diz qapağından və sol topuğundan vuraraq, qaçıb.
S.A.a ilk müdaxiləni edən ətrafdakılar, 112 Təcili Çağırış Mərkəzinə və polisə xəbər verib. Qısa müddətdə həmin ünvana gələn sağlamlıq qrupu, yaralı S.A.ı xəstəxanaya çatdırıb. S. A., xəstəxanada əməliyyata alınıb. Polis isə hadisə sonrası qaçan R.K.ı tutmaq üçün işə başlayıb.
