2021/2022-ci tədris ilində Azərbaycan Respublikasının ali təhsil müəssisələrinin və Azərbaycan Milli Elmlər Akademiyasının magistraturalarına qəbul imtahanının ikinci cəhdi üçün qeydiyyatdan keçən bakalavrların sayı açıqlanıb.
APA-nın Dövlət İmtahan Mərkəzinə istinadən xəbərinə görə, magistraturaya qəbul imtahanının ikincicəhdi üçün qeydiyyatdan keçənlərin sayı 14686 olub. Onlardan 13522-siAzərbaycan, 1164-ü rus bölməsidir.
Qeyd edək ki, ikinci cəhddə iştirak etmək üçün bakalavrların qeydiyyatı aprelin 30-dan mayın 8-dək internet vasitəsilə aparılıb. Magistraturaya qəbul imtahanının ikinci cəhdi mayın 26-da keçiriləcək.
