Ermənistan Baş Nikol Paşinyan Azərbaycanın işğal altında olan torpaqlarına səfəri zamanı Xankəndi ilə bərabər, Şuşaya da gedib.
Axar.az xəbər verir ki, Paşinyan buradan Azərbaycan şəhərinin işğalının 26 illiyinə həsr edilmiş tədbirdə iştirak edib.
Ermənistan mətbuatı Paşinyanın iştirak etdiyi tədbirdən maraqlı foto paylaşıb. Belə ki, fotoda şovinst yazıçı Zori Balayan yer alıb. Balayanın Paşinyanın yanında olmamasına işarə edən müxalif mətbuat dolayısı yolla artıq Ermənistanda Rusiyanın hakimiyyətinin bitdiyini anlatmağa çalışıb:
"Zori Balayan bu illər ərzində həmişə erməni prezidentlərinin yanında olub. 2013-cü ildə o, Putinə məşhur məktubunu yazdı və burada "Gülüstan” müqaviləsini xatırladaraq, Rusiyanın 200 il əvvəl Qarabağı İranın tərkibindən geri aldığını, indi də ona görə məsuliyyət daşıdığını (Həmin məktubda Balayan Putini "Gülüstan” sülh müqaviləsinə istinad edərək, Dağlıq Qarabağı Rusiyaya birləşdirməyə çağırırdı - red.) bildirdi. Məktub kifayət qədər böyük neqativ reaksiya yaratdı, amma bu, Zori Balayana bundan sonra erməni prezidentlərinin yanında dayanmasına mane olmadı. İndi görünür, Balayan və "Gülüstan” müqaviləsi dövrü bitib”.
