İstanbulda Çevik Polis Şöbəsinə iki qadın terrorçu tərəfindən hücumu təşkil edilib.
Lent.az-ın Türkiyə KİV-ə istinadən məlumatına görə, səhər saat 10:00 radələrində şöbəyə bombalı və silahlı basqın baş verib.
Hücumu gerçəkləşdirən iki qadın terrorçu daha sonra 500 metr uzaqda yerləşən binada gizləniblər. Təxminən iki saat davam edən əməliyyat nəticəsində terrorçu qadınların hər ikisi öldürülüb. Əməliyyatda iki polisin də yüngül yaralandığı deyilir.
