"Erməni girovla görüş üçün Azərbaycan hökumətinə müraciət edilib”.
Bunu AzNews.az-a açıqlamasında Beynəlxalq Qızıl Xaç Komitəsinin (BQXK) Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova bildirib.
Onun sözlərinə görə, Nümayəndəlik yanvarın 28-də Ermənistan-Azərbaycan qoşunlarının təmas xəttində saxlanılan Ermənistan vətəndaşı ilə bağlı müvafiq hökumət nümayəndələri ilə danışıqlara başlayıb: "Bu danışıqlar davam etdirilir. Hələlik isə erməni girovla görüşümüz baş tutmayıb”.
Qeyd edək ki, yanvarın 28-da saat 15.00 radələrində Tovuz rayonunun Əlibəyli kəndi istiqamətində Ermənistanın kəşfiyyat-diversiya qrupunun bələdçisi olan Mamiko Xocayan silahlı və yaralı vəziyyətdə Azərbaycan tərəfindən saxlanılıb
