Ukrayna Baş Qərargahı bəyan edib ki, Donbasda bir qrup silahlı ilə atışmadan sonra iki rus hərbçisi əsir götürülüb, bir nəfər aldığı yaralardan ölüb.
Avropa.info xəbər verir ki, bu barədə Ukrayna ordusu Baş Qərargahının "Facebook” səhifəsində yazılıb.
Rəsmi Kiyevin məlumatına görə, döyüş Donetskin Troitsk kəndi yaxınlığında gecə baş verib. 20 nəfərdən ibarət silahlı qrup Ukrayna ordusunun arxasına keçmək istəyib.
Aldığı yaralardan ölən Rusiya vətəndaşı Omsk şəhərinin sakinidir. Hücum edənlərdən iki nəfər saxlanılıb. Hal-hazırda onlar xəstəxanadadır.
Ukrayna tərəfinin məlumatına görə, Rusiyanın taqım və bölük komandirləri əsir düşüb.
