"Neftin qiymətinə təsir göstərən amillər həddən çoxdur. Həm siyasi, həm də iqtisadi təsirlər qiymətlərin dəyişməsində daha aktivdir. Amma iqtisadi amillərdən daha çox siyasi amillər təsir göstərir".
Bunu "Sherg.az”a keçmiş maliyyə naziri, professor Fikrət Yusifov deyib.
O qeyd edib ki, bu proses haqqında proqnoz vermək olduqca cətindir:
Siyasi faktorların neftin qiymətinə hansı dəyişikliklər edəcəyini əvvəllər aydın şəkildə müşahidə etmişik. Bütün bu səbəblərdən dolayı ilin sonuna kimi neftin qiymətinin hansı istiqamətdə irəliləyəcəyini demək çox çətindir.
Bir neçə gün əvvələ qayıtsaq, müşahidə edərik ki, neftin qiyməti bəzən 5-6 faiz qalxıb, bəzən də əksinə azalıb. Buna görə də qara qızılın ilin sonuna kimi hansı istiqamətlə irəliləyəcəyini demək çox çətindir. Məncə, ekspertlər bu barədə dəqiq açıqlama verə bilməz".
Qeyri- neft sektorunun inkişafının vacib olduğunu diqqətə çatdıran F.Yusibov onu da bəyan edib ki, iqtisadi rifahın təmin edilməsinə yardımçı olacaq ən başlıca sahələrdən biri də qeyri-neft sektorudur:
"Hazırda Azərbaycanın ixrac məhsullarının 90 faizi yalnız neft məhsulları təşkil edir. Ölkə iqtisadiyyatında dinamik artım etmək üçün, iqtisadiyyatımızı daha da inkişafı üçün qeyri-neft sektornunun ixrac məhsullarının həcmini artırmalıyıq. Ən azından yaxın iki il ərzində qeyri-neft məhsullarının ixracının həcmini idxalın yarısına kimi, yəni 4-5 milyard səviyyəsinə kimi qaldırmalıyıq. Bunun üçün də real sektorun daha sürətli inkişafına nail olmalıyıq. Ölkəmizin bu sahədə kifayət qədər potensealı var. Planlı şəkildə çalışsaq, bunu əldə edə bilərik”.
Qeyd edək ki, Azərbaycan nefti 1 dollardan çox bahalaşıb. "AzeriLight" markalı neftin 1 barelinin dəyəri 1,50 dollar və ya 2,05% artaraq 74,64 dollar təşkil edib.
Kənan Enuroğlu
