Şahbaz Quliyev ailəsinə məktub yazmaq istəməyib.
Bu barədə "Sherg.az”a Kəlbəcərdə yaxınlarının məzarını ziyarət edərkən erməni separatçıları tərəfindən girov götürülən Şahbaz Quliyevin qardaşı İlham Quliyev məlumat verib. O xatırladıb ki, ailəsi bir müddət əvvəl Şahbaza məktub yazaraq, Beynəlxalq Qızıl Xaç Komitəsinin (BQXK) əməkdaşları vasitəsilə göndərib:
"BQXK əməkdaşları bizə dedi ki, Şahbaz məktub yazmaqdan imtina edib. Ola bilər, görüş olmayıb, faksla məktubumuzu göndəriblər. Dəqiq deyə bilmərəm. Bizdə olan məlumat sadəcə budur”.
Qeyd edək ki, 2014-cü il iyulun 10-da Dilqəm Əsgərov və Şahbaz Quliyev Azərbaycanın işğal altında olan Kəlbəcər torpaqlarında Ermənistan silahlı qüvvələri tərəfindən girov götürülüb. Kəlbəcərə yaxınlarının məzarını ziyarətə gedən kəlbəcərli girovlarla bağlı həmin ilin dekabr ayında qondarma məhkəmə prosesi keçirilib. Separatçı rejimin qərarı ilə qurulan oyuncaq məhkəmə D.Əsgərovu ömürlük, Ş.Quliyevi isə 22 il müddətinə "azadlıqdan məhrum” edib. Girovların azad edilməsi ilə bağlı bir çox addımlar atılsa da, onları azad etmək hələ mümkün olmayıb. Hazırda onlarla əlaqə yalnız Beynəlxalq Qızıl Xaç Komitəsinin nümayəndələri vasitəsilə saxlanılır.
Aysel Aslan
