"Hansı marşrut avtobuslarının kart sisteminə keçəcəyi barədə dəqiq məlumat vermək tezdir”.
Bunu "Sherg.az”a 2018-ci ildə 700-dən çox nəqliyyat vasitəsinin kart sisteminə keçməsindən danışarkən Bakı Nəqliyyat Agentliyinin (BNA) Mətbuat Xidmətinin rəhbəri Mais Ağayev deyib.
O bildirib ki, sözügedən məsələ ilə bağlı iş aparılır:
"Hələlik hansı marşrutların kart sisteminə keçəcəyini demək çətindir. Amma bu reallaşdırılarsa, artıq paytaxtın marşrut şəbəkəsindəki mövcud avtobusların 50 faizinin nağdsız ödəniş sisteminə keçidi təmin ediləcək. Bu isə böyük miqyasda çatışmazlıqların aradan qalxması deməkdir”.
Qeyd edək ki, Bakı Nəqliyyat Agentliyinin (BNA) baş direktorunun müşaviri Mübariz Abbasovun sözlərinə görə, kart sistemi, nağdsız ödəniş sistemi artıq təcrübədə sınaqdan çıxıb. M. Aslanov bildirib ki, Agentlik bu məsələdə əhatə dairəsini genişləndirməyə çalışır.
Aysel Aslan
