İran Amerika körfəzlərinə döyüş gəmiləri göndərəcəyi barədə məlumat yayıb.
Milli.Az xarici KİV-ə istinadən xəbər verir ki, sanksiyalarla bağlı münasibətləri tamamilə gərilən İran-ABŞ arasında müharibə qorxusunu artıracaq bir açıqlama gəlib.
İran Dəniz Qüvvələrinin ikinci komandanı mart ayından etibarən Atlantik okeanın qərbinə savaş gəmiləri göndərəcəklərini söyləyib.
Atlantik okean Şimali və Cənubi Amerika qitələriylə Avropa və Afrika qitələri arasında yerləşir.
Rəsmi Vaşinqtonun İranın bu həmləsinə hansı reaksiyanı verəcəyi hələlik bilinmir.
Bu həmlə ABŞ-ın İran ətrafına qırıcı daşıyan gəmilərin yerləşdirilməsinə cavab kimi qiymətləndirilir.
