"Fəryad” filmində canlandırdığı Aşot obrazı ilə də yaddaşlarda silinməz izlər qoyan aktyor Fikrət Məmmədov vəfat edib.
Bu barədə aktyorun həmkarları sosial şəbəkədə məlumat yayıblar.
1 yanvar 1956-cı ildə dünyaya gəlib.
O, “Axırıncı reys” (1989), “Bağlı qapı” (1981), “Bayquş gələndə” (1978), “Cin mikrorayonda” (1985), "Çarə” (1981), “Doğma sahillər” (1989), “Əlaqə” (1989), “Fəryad” (1993), “Fırıldaqçı” (1983), “Gözbağlıcı” (1986), “Gümüşgöl” əfsanəsi (1984), “Güzgü” (1990), “Hədiyyə” (1986) və başqa filmlərdə yer alıb.
Bronxial astma xəstəliyindən əziyyət çəkən aktyor ömrünün son illərini Bilgəhdə yerləşən “Qocalar evi”ndə yaşayıb.
Qeyd edək ki, aktyor Fikrət Məmmədov Azərbaycanın məşhur musiqi xadimi Ağası Məşədibəyovun nəvəsidir.
Allah rəhmət eləsin
Turan Etibaroğlu
