Tanınmış jurnalist Səbuhi Məmmədli maraqlı təkliflə çıxış edib. O, BDU-nn ilk rektoru Vasili Razumovskinin nəvəsinin, universitetin 100 illiyi medalı ilə təltif olunmasını təklif edib.
"Sherg.az"ın xəbərinə görə, S.Məmmədli bildirib ki, bir neçə il əvvəl BDU-nun dəstəyi ilə Razumovskinin Yesentukidə baralyefi qoyulub, onun qəbirüstü abidəsi abadlaşdırılıb, ev muzeyi ziyarət edilib.
Həmin tədbirə Razumovskinin hazırda Uruqvayda yaşayan nəvəsi Fyodor Boqorodski də dəvət edilib. O, həmin mərasimdə çıxış edib, babasının xatirəsini yaşatdığı üçün Azərbaycana öz minnətdarlığını bildirib.
Jurnalistin dediyinə görə, BDU-nun ilk rektorunun nəvəsinin yubiley medalı ilə təltif edilməsi də bir vəfa borcu olardı.
