ABŞ prezidenti Donald Tramp və Şimali Koreya lideri Kim Çen In arasında görüşün tarixi və yeri müəyyənləşib.
"Ölkə.Az" "Ria Novosti"yə istinadən xəbər verir ki, bu barədə ABŞ-ın dövlət katibi Mayk Pompeo açıqlama verib.
"Görüşün tarixi və yeri müəyyənləşib. Gələn həftənin əvvəlində bu barədə rəsmi məlumat veriləcəyinə ümid edirik”, - deyə M.Pompeo qeyd edib.
Onun sözlərinə görə, danışıqların bir gün ərzində aparılacağı nəzərdə tutulsa da, müzakirələrdən asılı olaraq görüşün müddəti uzana bilər.
Qeyd edək ki, bu gün ABŞ-ın dövlət katibi Şimali Koreyaya səfər edərək ölkə lideri Kim Çen In ilə görüşüb.
