Türkiyənin "Hürriyet” qəzeti maraqlı iddia ilə çıxış edib. Qəzet Türkiyənin Ermənistanla sərhədləri açmağa hazırlaşdığını, bu istiqamətdə danışıqlara başlayacağını bildirib. Qeyd edək ki, bu məsələ Türkiyə telekanallarının birində "nə mutlu erməniyim” videoçarxının nümayişindən sonra növbəti dəfə gündəmə gəlib. Maraqlıdır, Türkiyə və Ermənistan arasında sərhədlərin açılması mümkündürmü? Bu, Azərbaycana, onun maraqlarına nə vəd edir?
Qeyd edək ki, Türkiyə Ermənistan sərhədlərinin açılması məsələsinin növbəti dəfə gündəmə gəlməsinə Türkiyə telekanallarının birində "nə mutlu erməniyim” videçarxının nümayişindən sonra gündəmə gəlib.
Məsələyə münasibət bildirən politoloq Elxan Mehdiyev bu iddianı inandırıcı hesab etdiyini vurğulayıb: "Düşünürəm ki, bu məlumatın əsası var. Bu, birincisi, Türkiyə və Rusiya arasındakı münasibətlərin normallaşması kontekstində baş verən hal ola bilər. İkincisi, Putinin erməni işğalını aradan qaldırmaq istiqamətindəki səylərinin tərkib hissəsi kimi meydana gələ bilər. Bu iki amil qəzetin məlumatının inandırıcı ola biləcəyinə arqument verir. Bütövlükdə, hesab edirəm ki, bu, Azərbaycan və Ermənistan arasındakı münaqişənin həlli, sülhün yaranması kontekstində baş verə bilər”.
"Şərq-Qərb” Araşdırmalar Mərkəzinin rəhbəri, politoloq Ərəstun Oruclu da bildirib ki, Türkiyənin indiki hakimiyyətindən hər şey gözləmək olar: "Zənnimcə, "nə mutlu erməniyim” videoçarxı Türkiyə hökumətinin razılığı olmadan telekanallarda getsin. Çünki faktiki olaraq Türkiyədə avtoritarizm mövcuddur. Prezidentin fərmanı ilə fövqəladə vəziyyət elan olunub. Bütün medianın fəaliyyəti nəzarətdədir. Bu çarx Türkiyə telakanallarında dövriyyəyə buraxılırsa, deməli, bu işdə birbaşa Prezident Administrasiyasının razılığı var. Ona görə də belə bir hakimiyyətdən hər şey gözləmək olar. Azərbaycan birmənalı olaraq "nə mutlu erməniyim” və sərhədlərin açılması məsələlərinə öz mövqeyini bildirməlidir ki, Türkiyə hökuməti Azərbaycanı şantaj etməsin”.
Ayyət Əhməd
