Ukraynanın şərqində rusiyameyilli separatçılar əsas məntəqələrdən birini ələ keçiriblər.
Bu barədə qondarma Donetsk Xalq respublikasının ordu rəhbərinin müavini Eduard Basurin açıqlama verib.
Onun sözlərinə görə, separatçılar Ukryananın cənub-şərqində yerləşən Debalçevo məntəqəsində nəzarəti ələ alıblar.
Basurin bildirib ki, separatçılar məntəqəni ələ keçirmək üçün bütün günü döyüşüblər.
"Hazırda Ukrayna ordusunun bölgədən çıxarılması üçün döyüşlər gedir. Döyüşçülər Artemovsk- Debalçevo avtomagistralına da nəzarət edirlər. Şəhərdə təxminən 10 min Ukrayna əsgəri var. Şəhərdən çıxa bilmirlər", deyə Basurin bildirib.
