Ukraynanın Xarkov şəhərində 22 yaşlarında 2 türkiyəli tələbəni, Buket Yıldız və Zeynəb Hüsünbəyi qaldıqları evdə öldürdüyü şübhəsi ilə axtarılan və dünən Türkiyədə qəbristanlıqda yaxalanan 21 yaşlı Hüsnü Canın atasının məzarı üstündə qoyduğu məktub və əşyalar diqqət çəkib.
Sherg.az Milliyet.com-a istinadən bildirir ki, Hüsnü Can tutulmamışdan əvvəl atasının Kurtköydəki qəbrinin üstünə gəlib. O məzarın yanında bir şüşə spirtli içki, bir silah qutusu, bir bel çantası, bir ədəd bıçaq və üzərində yazı olan kağız parçası qoyub. Hüsnü Can kağızda bunları yazıb: "Dünyada ədalət yoxdur. Həbs də etsəniz, mən cəzamı hər gün çəkirəm”.
Digər yandan isə, Zeynəb Hüsünbəyin İzmirdə yaşayan atası Yurdal Hüsünbəy, qızının nəşini gətirmək üçün bu gün Ukraynaya yollanıb.
Qeyd edək ki, Ukraynanın Xarkov şəhərində iki türkiyəli gənc qız tələbə vəhşicəsinə qətlə yetirilib. Hadisəni törətməkdə şübhəli bilinərək tutulan Hüsnü Can qızlardan birinin keçmiş sevgilisidir.
Anar
