Pekin Nəqliyyat Universitetinin laboratoriyasında kimyəvi təcrübə zamanı baş verən partlayış nəticəsində üç tələbə həlak olub.
AZƏRTAC xarici KİV-lərə istinadla xəbər verir ki, partlayış dekabrın 26-da yerli vaxtla saat 9:30 radələrində korpusun şərq hissəsində baş verib. Hadisə yerinə göndərilən 8 yanğınsöndürən maşın partlayışdan sonra meydana gələn yanğını nəzarət altına almağa müvəffəq olub.
İnsident nəticəsində yaralananlar barədə məlumat verilmir. Hazırda hadisənin səbəbləri araşdırılır.
