Böyük Britaniyanın Böyük Mançester şəhərində dəhşətli hadisənin görüntüləri müşahidə kamerası tərəfindən qeydə alınıb. Belə ki, içəridə iki xəstə uşağı ilə yatan ailənin olmasına baxmayaraq qonşuluqda yaşayan 54 yaşlı İsaak Bruks onların evini yandırmağa cəhd edib.
Bu barədə “Daily Mail” xəbər verib.
Ev sahibi 46 yaşlı Deyv Biver tüstü qoxusuna ayılıb, xanımı Beva, oğlanları autizm xəstəsi olan 27 yaşlı Krisi və 25 yaşlı Adamı çətinliklə evdən çıxara bilib.
Məlum olub ki, qonşu bu ailəyə, xüsusən uşaqlara qarşı dözümsüz olub. Dəfələrlə onları sözləri ilə mənəvi cəhətdən incidib. Sonda isə bu cinayətə əl atıb.
İlk əvvəl ailə bunun sadəcə qısaqapanma nəticəsində yaranan bədbəxt hadisə ola biləcəyini düşünüb. Lakin bir neçə gündən sonra müşahidə kamerasına gedən naqilin kəsildiyini gördükdə isə şübhələnib, polisə bildiriblər. Polis qismən zərər görmüş kadrları bərpa etdikdə həqiqət üzə çıxıb.
Cütlük kadra baxanda Bruksu dərhal tanıyıblar.
Hadisə ilə əlaqədar cinayət işi qaldırılıb, Bruks 10 il müddətinə azadlıqdan məhrum edilib.
