"Zəhranın faciəsi cəmiyyətdə yalnız üzüntü ovqatı ilə qarşılanmalı idi”.
Bunu Sherg.az-a Azərbaycanda milli birliyin səviyyəsindən danışarkən türkoloq alim, professor Firudin Cəlilov deyib.
O, sosial şəbəkələrdə müzakirə zamanı yaramaz sözlər yazan azərbaycanlılarla bağlı təəssüfünü ifadə edib:
"Xalqda milli birlik, milli ovqat olsaydı, hökumətin də icazəsi ilə gənclər böyük nümayişlər həyata keçirərdi. ATƏT-in Minsk qrupu ölkələrinin Azərbaycandakı səfirlikləri qarşısında mitinq keçirilməli idi. Bu məsələyə o dərəcədə münasibət bildirilməli idi ki, dünya mediası gecə-gündüz bundan yazsın. Azərbaycanda ermənilər iki yaşında uşağı nənəsi ilə birlikdə öldürüblər. Dünya bunu bilməli idi.
Milli birlik, siyasi və düzgün baxış olmadığı üçün faciə beynəlxalq aləmdə yetərincə müzakirə olunmadı.
Mən çox narazı qaldım. Bu dövlət səviyyəsində də yüksək qabardırmalı idi.
Allah Zəhraya rəhmət etsin, o, mələk idi, uçdu getdi. Amma fakt faktlığında qalır”.
Aysel Aslan
