Koronavirus
pandemiyası dövründə Azərbaycan əhalisinin sağlamlığının qorunması və rifahının
yaxşılaşdırılması, xalqımızın bu bəladan daha az itkilərlə xilas olması istiqamətində
gördüyü mühüm işlərə görə Prezident İlham Əliyevə respublikamızın bütün guşələrindən
minnətdarlıq məktubları ünvanlanmaqda davam edir.
Gəncə şəhərindən
Aydın Murovdağlı dövlət rəhbərinə yazır:
“Möhtərəm
cənab Prezident, bəşəriyyətin XXI yüzilliyin birinci yarısında düçar olduğu,
heç bir müasir texnologiya və silahla susdurulması mümkün olmayan, inkişaf
etmiş, supergücə malik dövlətlər tərəfindən belə ram edilə bilməyən, böyük
insanlığı naçar vəziyyətdə qoyan, yeni əsrin yeni bəlası adlandırılan
koronavirusun hökm sürdüyü çox ağır bir məqamda bir ölkə vətəndaşı, ziyalısı
olaraq xalqının taleyini hər şeydən üstün tutan, hamının sevimlisi olan,
uzaqgörən, xeyli dərəcədə tədbirli ölkə başçısına üz tuturam. Siz bütün dəyərlərə
yiyələnən, humanizmi, mərhəmət hissini, ədalət prinsipini, böyük insan amilini
öz şəxsiyyətində cəmləşdirən, intellektual düşüncəyə önəm verən, mükəmməl qətiyyətə
və iradəyə malik lidersiniz. Yaşadığımız bu günlərdə qabaqlayıcı tədbirləriniz,
tapşırıqlarınız, son dərəcə mütərəqqi ideyalarınızla bunu bir daha sübut
etdiniz. Siz böyük cəsarətlə, inam hissinin gücü ilə nümayiş etdirdiniz ki,
insan kapitalı Azərbaycan xalqının timsalında Sizin üçün çox önəmlidir. Məhz
Sizin azad, demokratik və müstəqil dövlətimizə ideal rəhbərliyiniz sayəsində
dünyanı ağuşuna alan, ölkəmizdən də yan keçməyən, vurğuladığınız kimi, gözəgörünməz
düşmən olan koronavirus Azərbaycanda kütləviləşə bilmədi. Xalqla dövlətin
monolit, fundamental birliyini inamla ortaya qoydunuz. Ona görə də Siz ən böyük
mükafata, ən sürəkli alqışlara, ən isti təşəkkürlərə layiqsiniz. Dünyada xalqın
sevgisindən, məhəbbətindən böyük mükafat yoxdur. Siz bu yüksək mükafata dönə-dönə
layiq görülmüsünüz. Azərbaycan xalqının bir sıravi vətəndaşı olaraq mən də öz
növbəmdə Sizə təşəkkürlərimi yetirirəm. Fəxr edirəm ki, azərbaycanlıyam, fəxr
edirəm ki, Sizin kimi Prezidentim var. Ulu Tanrı Sizi Qorusun! Yaşasın Müstəqil
Azərbaycan, yaşasın Prezident İlham Əliyev!”.
