Təhsil Nazirliyində kadr dəyişikliyi olub.
Oxu.Az-ın məlumatına görə, Rüstəm Ağayev yeni Təhsil naziri Emin Əmrullayevə müşavir təyin edilib.
Bu təyinata qədər Rüstəm Ağayev Əmək və Əhalinin Sosial Müdafiəsi nazirinin müşaviri, eləcə də nazirliyin nəzdində Dövlət Tibbi-Sosial Ekspertiza və Reabilitasiya Agentliyinin sədr müavini vəzifələrində çalışıb. R.Ağayev "Məktəblinin Dostu" layihəsinin də rəhbəri olub.
Xatırladaq ki, tibb üzrə fəlsəfə doktoru R.Ağayev Azərbaycan Tibb Üniversitetində müəllim kimi də çalışıb, həmçinin Rusiyada çap olunan "Dermotologiya" dərsliyini hazırlayan heyətin üzvü olub.
