2024-cü il dekabrın 25-də Aktau şəhərində qəzaya uğrayan Bakı-Qroznı reysini yerinə yetirən “Embraer 190” təyyarəsinin stüardessası, milli qəhrəman Hökümə Əliyevanın xatirəsinə kitab hazırlanır.
Bu barədə "Sherg.az"a kitabın müəllifi, Hökümə Əliyevanın bibisi oğlu Adim məlumat verib.
O, bildirib ki, kitab bir neçə hissədən ibarət olacaq:
"Əvvəlcə Hökümənin tərcümeyi-halı yer alacaq. Daha sonra onun haqqında mənim fikirlərim bədii formada təqdim ediləcək. Ardınca Hökümə ilə bağlı yazılmış şeirlər, fikirlər və onun şəkilləri dərc olunacaq. Artıq demək olar ki, bütün işlər tamamlanıb. İnşallah yaxın zamanda kitab çap olunaraq təqdimatı keçiriləcək".
Qeyd edək ki, bu kitab mərhum stüardessanın xatirəsinin yaşadılması məqsədilə hazırlanır.
