İyulun 8-də ABŞ Konqresində isveçrəli parlamentarilər Erik Fontobell və Lukas Reymanın təşəbbüsü ilə Qarabağa dair təxribatçı brifinq keçiriləcək.
Teleqraf xəbər verir ki, provokativ təşəbbüs “ermənilərin Qarabağa qayıdışı məsələsi”nə həsr olunub.
Brifinqdə Ermənistanın keçmiş xarici işlər naziri, “Qarabağ ermənilərinin hüquqlarının müdafiəsi komitəsi” adlı qondarma qurumun rəhbəri Vardan Oskanyan və “Beynəlxalq Xristian Həmrəyliyi” Təşkilatının prezidenti Con Eybner də iştirak edəcək.
Bədnam təşəbbüs 2025-ci il mayın 26-da İsveçrənin paytaxtı Berndə “Dağlıq Qarabağ üçün İsveçrə Sülh Təşəbbüsü” adlı təxribatçı komitənin fəaliyyətə başladığı vaxt irəli sürülüb. Bu, İsveçrə parlamentinin hər iki palatası tərəfindən qəbul edilmiş Qarabağa dair saxta qətnamədən irəli gəlir.
