Türkiyənin Avropa ilə sərhədləri açdığı ilə bağlı yayılan xəbərlərdən sonra Yunanıstana getmək istəyən suriyalı qaçqınlar sərhəd bölgələrinə axın edib.
Axar.az xəbər verir ki, bu barədə Türkiyə mediası məlumat yayıb.
Məlumatda qeyd edilir ki, suriyalı qaçqınlar öz ailələri ilə birlikdə Avropaya getmək üçün sərhədə axın edib.
Qeyd edək ki, İdlibdə 33 türk əsgərinin şəhid olması xəbərindən sonra Türkiyə qaçqınların Avropaya gedişinin qarşısını alan polis və sahil mühafizə qüvvələrinə geri çəkilmək tapşırığı verib.