Yeni il gecəsi Nyu-Yorkun “Times” meydanına giriş bağlanılıb.
“Report”un Amerika bürosu xəbər verir ki, Nyu-Yorkun Polis Departamenti gücləndirilmiş iş rejimində fəaliyyət göstərərək əhalinin karantin qaydalarına riayət etməsinə nəzarəti həyata keçirir. Meydan boyu piyadaların və avtomobillərin hərəkəti tamamilə məhdudlaşdırılıb.
Günlərdir edilən xəbərdarlığa baxmayaraq, Nyu-York sakinləri “Times”da hər il keçirilən ənənəvi atəşfəşanlığı izləmək məqsədilə meydanın ətrafına axın edirlər.
“Times” meydanının yerli vaxtla saat 12:00-dan sonra hərəkət üçün açılacağı gözlənilir.