Milli Məclisə keçirilən növbədənkənar seçkilərlə bağlı Müstəqil Dövlətlər Birliyi Parlamentlərarası Assambleyasının beynəlxalq müşahidəçiləri Xaçmaz rayonunda da seçki prosesini izləyirlər.
Müşahidəçilərdən biri, Dağıstan Xalq Məclisinin deputatı Firudin Rəcəbov APA-ya açıqlamasında 57 saylı Xaçmaz şəhər və 58 saylı Xaçmaz kənd seçki dairələrinə daxil olan məntəqələrdə seçki prosesini müşahidə etdiklərini deyib.
O, hər yerdə seçki prosesinin mükəmməl təşkil edildiyini deyib: “Hər şey qaydasındadır. Çox normal seçki keçir. Yerli müşahidəçilər də hər hansı qayda pozuntusu olmadığını bildirirlər. Hər kəs istədiyi namizədə səs verir".