Hazırda dünyada ən nəhəng səyahət gəmisi “Icon of Seas” dənizə endirilib. O, hələ də haqqında
əfsanələr dolaşan “Titanik”dən 5 dəfə böyükdür. Təki, “Titanik”in acı taleyini yaşamasın.
“Sherg.az” bu haqda “HaberTürk”ə istinadən xəbər verir. Nəhəng sərnişin və səyahət gəmisi haqqında
məlumatı “Royal Caribbean International” paylaşıb. Gəminin istehsalçısı da bu şirkətdir. Gəmi
bu günlərdə Finlandiya sahillərindən ilk yolçuluğuna başlayıb. Bu, sınaq səyahətidir. Gəminin
daxilində səyahətçilərə lazım ola biləcək hər şey var. 5 min 600 sərnişin daşıyacaq gəminin ilk
real səfəri isə 2024-cü ilin yanvar ayına planlaşdırılıb. Gəmi heyəti isə 2 min 350 nəfərdən ibarət
olacaq. Bu o deməkdir ki, ümumilikdə gəmidə 8 min nəfər olacaq. Gəmidə dünyanın ən böyük
su hovuzu tikilib.
Daxildə "Central Park"a bənzər bir bölüm də yer alır. Gəmi o qədər də kiçik
olmayan bir dünyaya bənzəyir. Burada 8 ayrı-ayrı hissələr var ki, onlardan 3-ü ailələr üçün
nəzərdə tutulub. Gəmidə buz meydançası, qolf sahəsi, 47 metr hündürluyündə şəlalə
yerləşdirilib. Gəminin uzunluğu 365 metr, ağırlığı 250.800 tondur. “Royal Carribbean Group”un
başqanı Jason Liberti deyib ki, bu gəmiylə səyahət edənlər heç nədən korluq çəkməyəcək.
İstədikləri nə varsa, hamısı əlçatan olacaq.
