Uels
şahzadəsi Keytin əməliyyatından sonra İngiltərə kralı III Çarlzın da prostat
vəzindən əməliyyat olunacağı açıqlanıb.
Sherg.az
xarici mediaya istinadən xəbər verir ki, Uels şahzadəsi Uilyamın həyat yoldaşı
şahzadə Keyt bir müddət əvvəl keçirdiyi əməliyyatla gündəmə gəlib. Kensinqton Sarayından verilən
açıqlamada Şahzadənin əməliyyat olunduğu və təxminən 2 həftə xəstəxanada
qalacağı bildirilib.
42 yaşlı
Şahzadənin keçirdiyi əməliyyata görə tədbirlərə qatıla və səyahət edə
bilməyəcəyi paylaşılıb.
Əməliyyatın təfərrüatları açıqlanmasa da, bunun planlı
əməliyyat olduğu və qarın nahiyəsi ilə əlaqəli olduğu bildirilib.
2022-ci il sentyabrın 8-də anası Kraliça Elizabetin
ölümündən sonra taxta çıxan və mayın 6-da Vestminster Abbeyində keçirilən
mərasimdə tac taxan Kral Çarlzın da əməliyyat olunacağı açıqlanıb.
BBC news xəbər verir ki, kral Çarlzın prostat vəzinin
böyüməsi səbəbindən bıçaq altına girəcəyi bildirilib. 75 yaşlı Kralın
əməliyyatı səbəbindən bəzi tədbirlər təxirə salınıb.
İki kral üzvünün sağlamlıq vəziyyəti ilə bağlı inkişafın
eyni gündə paylaşılması qeyri-adi hesab edilir, lakin tədbirlər ləğv edilməli
olduğu üçün bu elanlar zəruri idi.
Digər tərəfdən, Kral Çarlzın oxşar simptomları müşahidə edən
kişiləri təşviq etmək üçün diaqnozunu bölüşmək istədiyi məlumdur.
