Rusiyanın Varşavadakı səfirliyi bu ölkənin Xarici İşlər Nazirliyindən iyunun 1-dən diplomatların hərəkətinin məhdudlaşdırılmasına dair nota alıb.
Bunu Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə bildirib.
O qeyd edib ki, Polşa Xarici İşlər Nazirliyinin rusiyalı diplomatların hərəkətinin məhdudlaşdırılmasına dair notasında səbəblərə dair izahatlar yoxdur.
Zaxarova vurğulayıb ki, Rusiya Federasiyası Polşanın Moskvadakı səfirliyinə və İrkutsk, Kalininqrad və Sankt-Peterburqdakı Baş Konsulluqlarına qarşı cavab tədbirləri görəcək.